Komiteti Ndërkombëtar i Kryqit të Kuq (KNKK-ja) ka nisë të mbledhë informata për personat e pagjetur drejtpërdrejt nga familjet që nga janari i vitit 1998. KNKK-ja punon në të mirë të familjeve të të gjitha komuniteteve, pavarësisht se a jetojnë ato në Kosovë apo gjetiu. Informatat që i ka mbledhur KNKK-ja u janë dorëzuar autoriteteve relevante dhe liderëve politikë në Beograd dhe Prishtinë, me kërkesë që ata të bëjnë ç'është e mundur për ta përcaktuar vendndodhjen e personave të pagjetur.

Gjersa ua përkujton të gjitha palëve obligimet e tyre që kanë të bëjnë me të drejtën e familjeve për të ditur për fatin e të afërmve të tyre - të njohur botërisht - KNKK-ja zotohet për përkushtimin e vet ndaj kësaj detyre dhe për solidaritetin me familjet. KNKK-ja do t'i vazhdojë përpjekjet e saja në kërkim të personave të pagjetur dhe u bën apel edhe një herë të gjitha autoriteteve që ta mbështesin këtë përpjekje.